హైదరాబాద్ (మే 02) : High court orders for sanction annual grade increments to polytechnic lecturers. తెలంగాణ పాలిటెక్నిక్ లెక్చరర్స్ కు వార్షిక గ్రేడ్ ఇంక్రిమెంట్ లు మరియు ప్రొబేషన్ డిక్లేర్ చేయడం పై హైకోర్టు కీలక ఆదేశాలు జారీ చేసింది. తెలంగాణ స్టేట్ పాలిటెక్నిక్ ఆల్ లెక్చరర్స్ అసోసియేషన్ ఆధ్వర్యంలో 11 మంది అధ్యాపకులు దాఖలు చేసిన రిట్ పిటిషన్ను విచారించిన గౌరవ తెలంగాణ ఉన్నత న్యాయస్థానం కీలక ఉత్తర్వులు జారీ చేసింది.
High court orders for sanction annual grade increments to polytechnic lecturers.
వివరాల్లోకి వెళ్తే:
సాంకేతిక విద్యా శాఖ జనవరి 22, 2026న జారీ చేసిన మెమో కారణంగా పాలిటెక్నిక్ అధ్యాపకుల ప్రొబేషన్ డిక్లరేషన్ మరియు వార్షిక ఇంక్రిమెంట్లు నిలిచిపోయాయి. దీనిని సవాలు చేస్తూ అసోసియేషన్ ఆధ్వర్యంలో గొల్ల ఉదయ భాస్కర్, జి. రామకృష్ణ, టి. నవీన్ కుమార్, కె. సుజాత, కె. మురళి కృష్ణ మరియు ఇతర సభ్యులు హైకోర్టును ఆశ్రయించారు.
కోర్టు ఆదేశాలు:
ఈ కేసును విచారించిన గౌరవనీయులైన జస్టిస్ కె. శరత్ గారు, జనవరి 22 నాటి మెమోను మధ్యంతరంగా నిలిపివేస్తూ (Interim Suspension) ఆదేశాలు ఇచ్చారు. పిటిషనర్లకు రావలసిన వార్షిక గ్రేడ్ ఇంక్రిమెంట్లను వెంటనే విడుదల చేయాలని ప్రభుత్వానికి మరియు అధికారులకు స్పష్టమైన ఆదేశాలు జారీ చేశారు.
కృతజ్ఞతలు:
ఈ సందర్భంగా తెలంగాణ స్టేట్ పాలిటెక్నిక్ ఆల్ లెక్చరర్స్ అసోసియేషన్ ప్రతినిధులు మాట్లాడుతూ, ఈ కేసులో న్యాయం చేకూర్చిన గౌరవ జడ్జి గారికి మరియు ప్రభుత్వానికి తమ హృదయపూర్వక కృతజ్ఞతలు తెలియజేశారు. పిటిషనర్ల తరపున న్యాయవాది నాయకవాడి రమేష్ గారు కోర్టులో వాదనలు వినిపించారు.
