JEE main 2026 session 2 registration link. దేశంలోని ప్రతిష్టాత్మక ఇంజనీరింగ్ కాలేజీలైన NITలు, IIITలలో ప్రవేశాల కోసం నిర్వహించే జేఈఈ మెయిన్ (JEE Main) 2026 సెషన్-2 దరఖాస్తు ప్రక్రియను నేషనల్ టెస్టింగ్ ఏజెన్సీ (NTA) ప్రారంభించింది. ఈ మేరకు ఫిబ్రవరి 1, 2026న అధికారిక నోటిఫికేషన్ను విడుదల చేసింది.
JEE main 2026 session 2 registration link
ముఖ్యమైన తేదీలు (Important Dates):
నోటిఫికేషన్ ప్రకారం, విద్యార్థులు ఈ క్రింది షెడ్యూల్ పాటించాల్సి ఉంటుంది:
- ఆన్లైన్ దరఖాస్తుల ప్రారంభం: 01 ఫిబ్రవరి 2026
- దరఖాస్తుకు చివరి తేదీ: 25 ఫిబ్రవరి 2026 (రాత్రి 9:00 గంటల వరకు)
- ఫీజు చెల్లించడానికి గడువు: 25 ఫిబ్రవరి 2026 (రాత్రి 11:50 గంటల వరకు)
- పరీక్ష తేదీలు: ఏప్రిల్ 02 నుండి ఏప్రిల్ 09, 2026 మధ్య
దరఖాస్తు ప్రక్రియ ఇలా..
- సెషన్-1 రాసిన అభ్యర్థులు: ఇప్పటికే మొదటి విడత పరీక్షకు హాజరైన లేదా దరఖాస్తు చేసిన అభ్యర్థులు, తమ పాత అప్లికేషన్ నంబర్ మరియు పాస్వర్డ్తో లాగిన్ అవ్వాలి. వారు కేవలం పేపర్, పరీక్ష మాధ్యమం (Medium), సిటీ ఎంపిక చేసుకుని ఫీజు చెల్లిస్తే సరిపోతుంది.
- కొత్త అభ్యర్థులు (Fresh Candidates): ఇప్పటివరకు దరఖాస్తు చేయని అభ్యర్థులు కొత్తగా రిజిస్టర్ చేసుకోవాల్సి ఉంటుంది. ఒక అభ్యర్థి ఒకటి కంటే ఎక్కువ దరఖాస్తులు సమర్పిస్తే, దానిని ‘అన్ఫెయిర్ మీన్స్’ (UFM) కింద పరిగణించి కఠిన చర్యలు తీసుకుంటారని NTA హెచ్చరించింది.
పరీక్ష ఫీజు మరియు ఇతర వివరాలు:
విద్యార్థులు తమ అప్లికేషన్ ఫీజును క్రెడిట్/డెబిట్ కార్డు, నెట్ బ్యాంకింగ్ లేదా UPI ద్వారా ఆన్లైన్లో చెల్లించవచ్చు. అడ్మిట్ కార్డులు, పరీక్షా కేంద్రాల వివరాలు వెబ్సైట్లో త్వరలో అందుబాటులో ఉంచుతారు.
సహాయం కోసం సంప్రదించండి:
దరఖాస్తు ప్రక్రియలో ఏవైనా ఇబ్బందులు తలెత్తితే అభ్యర్థులు 011-40759000 / 011-69227700 నంబర్లను లేదా jeemain@nta.ac.in ఈమెయిల్ ఐడిని సంప్రదించవచ్చు.
అధికారిక వెబ్సైట్ jeemain.nta.nic.in .
