BIKKI NEWS (FEB. 23) : Inter exams 2026 guidelines by Sri Krishna Adithya. తెలంగాణ రాష్ట్ర ఇంటర్మీడియట్ విద్యా మండలి (TGBIE) 2026 మార్చిలో నిర్వహించబోయే వార్షిక పరీక్షలకు సర్వం సిద్ధం చేసింది. ఫిబ్రవరి 25 నుండి ప్రారంభం కానున్న ఈ పరీక్షల కోసం బోర్డు పకడ్బందీ ఏర్పాట్లు చేస్తోంది. దాదాపు 10 లక్షల మంది విద్యార్థులు హాజరుకానున్న ఈ పరీక్షల నిర్వహణపై పూర్తి వివరాలు ఇక్కడ ఉన్నాయి.
Inter exams 2026 guidelines by Sri Krishna Adithya
పరీక్షల షెడ్యూల్ మరియు సమయాలు
తెలంగాణ ఇంటర్ మొదటి, రెండో సంవత్సరం థియరీ పరీక్షలు 25-02-2026 నుండి 18-03-2026 వరకు జరుగుతాయి.
- సమయం: ఉదయం 9:00 గంటల నుండి మధ్యాహ్నం 12:00 గంటల వరకు.
- విద్యార్థులు ఉదయం 8:00 గంటలకే పరీక్షా కేంద్రానికి చేరుకోవాలి.
గణాంకాలు ఇవే:
ఈ ఏడాది పరీక్షల నిర్వహణకు సంబంధించిన కీలక గణాంకాలు ఈ క్రింది విధంగా ఉన్నాయి:
| వివరాలు | సంఖ్య |
|---|---|
| మొత్తం పరీక్షా కేంద్రాలు | 1,495 |
| పరీక్షకు హాజరయ్యే మొత్తం విద్యార్థులు | 9,97,075 |
| మొదటి సంవత్సరం విద్యార్థులు | 4,89,126 |
| రెండవ సంవత్సరం విద్యార్థులు | 5,07,949 |
| ఇన్విజిలేటర్ల సంఖ్య | 28,500 |
| ఫ్లయింగ్ స్క్వాడ్ బృందాలు | 75 |
General Instructions to inter exams 2026
పరీక్షకు హాజరయ్యే విద్యార్థులు ఈ క్రింది నిబంధనలను తప్పనిసరిగా పాటించాలని బోర్డు ఆదేశించింది:
- హాల్ టికెట్: విద్యార్థులు తమ హాల్ టికెట్లను tgbie.cgg.gov.in వెబ్సైట్ నుండి డౌన్లోడ్ చేసుకోవచ్చు. హాల్ టికెట్ లేకుండా పరీక్షా కేంద్రంలోకి అనుమతించబడరు.
- సమయపాలన: ఉదయం 8:45 నుండి 9:00 గంటల మధ్య విద్యార్థులకు ఓఎంఆర్ (OMR) షీట్లు పంపిణీ చేస్తారు. 9:00 గంటలకు పరీక్ష ప్రారంభం. కావునా విద్యార్థులు 9. 00 గంటల్లోపు పరీక్ష కేంద్రాలకు చేరుకోవాలి.
- నిషేధిత వస్తువులు: పరీక్షా గదిలోకి సెల్ ఫోన్లు, క్యాలిక్యులేటర్లు, స్మార్ట్ వాచ్లు, సాధారణ వాచీలు లేదా ఎలాంటి ఎలక్ట్రానిక్ పరికరాలను అనుమతించరు.
- OMR వెరిఫికేషన్: విద్యార్థులు తమకు ఇచ్చిన బార్-కోడ్ షీట్పై పేరు, సబ్జెక్టు సరిగ్గా ఉన్నాయో లేదో చెక్ చేసుకోవాలి.
- మానసిక ప్రశాంతత: పరీక్షల ఒత్తిడిని అధిగమించడానికి ‘టెలి-మానస్’ (Tele-MANAS) టోల్ ఫ్రీ నంబర్ 14416 కు కాల్ చేసి నిపుణుల సలహాలు పొందవచ్చు.
పకడ్బందీ నిఘా
పరీక్షల్లో మాల్ప్రాక్టీస్ నిరోధించడానికి ప్రతి సెంటర్లో CC కెమెరాలు ఏర్పాటు చేశారు. వీటిని కమాండ్ కంట్రోల్ రూమ్ నుండి నిరంతరం పర్యవేక్షిస్తారు. అలాగే, విద్యుత్ సరఫరాలో అంతరాయం లేకుండా, ఆర్టీసీ బస్సుల సౌకర్యం కల్పిస్తూ ప్రభుత్వం అన్ని చర్యలు తీసుకుంది.
మరిన్ని వివరాల కోసం: విద్యార్థులు ఏవైనా సందేహాలు ఉంటే ఇంటర్ బోర్డ్ కంట్రోల్ రూమ్ నంబర్లు 040-24655027 లేదా 9240205555 కు సంప్రదించవచ్చు.
