హైదరాబాద్ (ఏప్రిల్ 07) : TGEJAC DEMANDING FOR PRC UPTO JUNE 2nd. తెలంగాణ రాష్ట్ర ప్రభుత్వ ఉద్యోగులు, ఉపాధ్యాయులు, కార్మికులు మరియు పెన్షనర్ల సమస్యలపై టీజీఈజేఏసీ (TGEJAC) సమరశంఖం పూరించింది. మంగళవారం హైదరాబాద్లోని నాంపల్లిలో గల తెలంగాణ భవన్లో జరిగిన కార్యవర్గ సమావేశంలో పలు కీలక నిర్ణయాలు తీసుకున్నారు. ఉద్యోగుల పెండింగ్ బిల్లులు, పీఆర్సీ (PRC) అమలు మరియు హెల్త్ కార్డుల విషయంలో ప్రభుత్వంపై ఒత్తిడి పెంచేలా కార్యాచరణను ప్రకటించారు.
TGEJAC DEMANDING FOR PRC UPTO JUNE 2nd.
ప్రధాన డిమాండ్లు ఇవే:
1. 2వ పీఆర్సీ అమలు: పీఆర్సీ కమిషన్ గడువు ముగిసి ఇప్పటికే 10 నెలలు దాటినందున, ఎట్టి పరిస్థితుల్లోనూ జూన్ 2వ తేదీ లోపు తుది నివేదికను తెప్పించుకుని, 51% ఫిట్మెంట్తో కొత్త వేతన సవరణను అమలు చేయాలని టీజీఈజేఏసీ చైర్మన్ మారం జగదీశ్వర్ డిమాండ్ చేశారు.
2. రూ. 1500 కోట్ల పెండింగ్ బిల్లుల విడుదల: రాష్ట్రంలో ఉద్యోగులకు రావాల్సిన పెండింగ్ బిల్లులు భారీగా పేరుకుపోయాయి. ప్రస్తుతం నెలకు రూ. 700 కోట్లు విడుదల చేస్తున్నప్పటికీ, వాస్తవ అవసరం రూ. 1500 కోట్లుగా ఉందని జేఏసీ నేతలు స్పష్టం చేశారు. ఇందులో రిటైర్డ్ ఉద్యోగులకు రూ. 750 కోట్లు, రెగ్యులర్ ఉద్యోగులకు రూ. 750 కోట్లు ప్రతి నెలా విడుదల చేయాలని కోరారు.
3. ఎంప్లాయీస్ హెల్త్ స్కీమ్ (EHS): రాష్ట్రవ్యాప్తంగా ఉద్యోగుల ఆరోగ్య కార్డులపై స్పష్టత రావాలని, మే 1వ తేదీ నుండి నగదు రహిత వైద్య సేవలు (Cashless Treatment) అందేలా ప్రభుత్వం తక్షణ చర్యలు తీసుకోవాలని వారు పేర్కొన్నారు.
టీజీఈజేఏసీ భవిష్యత్ కార్యాచరణ (Protest Schedule):
ప్రభుత్వం స్పందించని పక్షంలో దశలవారీగా పోరాటాలు చేయాలని నిర్ణయించారు:
- ఏప్రిల్ 17: మండల, డివిజన్ కేంద్రాల్లో భోజన విరామ సమయంలో నిరసన ప్రదర్శనలు, వినతిపత్రాల అందజేత.
- మే 5: అన్ని జిల్లా కేంద్రాల్లో ‘చలో కలెక్టరేట్’ లేదా భారీ బహిరంగ సభలు.
- మే 14: టీజీఈజేఏసీ తదుపరి రాష్ట్ర స్థాయి సమావేశం నిర్వహించి భవిష్యత్ ఉద్యమ రూపురేఖలను ప్రకటించనుంది.
ఇతర కీలక అంశాలు:
భద్రాద్రి కొత్తగూడెం భూముల అంశం: ఏపీలో కలిసిన 5 గ్రామ పంచాయతీలను తిరిగి తెలంగాణలో కలపాలని, దీనిపై ఈ నెల 13న ఖమ్మంలో సదస్సు నిర్వహిస్తామని జేఏసీ ప్రధాన కార్యదర్శి ఏలూరి శ్రీనివాసరావు తెలిపారు.
పాత పెన్షన్ విధానం (OPS): సెప్టెంబర్ 1, 2004 కంటే ముందు నోటిఫికేషన్ ద్వారా నియమితులైన వారికి వెంటనే ఓపీఎస్ అమలు చేయాలి.
బదిలీలు: ఉద్యోగులు, ఉపాధ్యాయులకు సాధారణ బదిలీలు చేపట్టి, జాయింట్ కౌన్సిల్ సమావేశాలు నిర్వహించాలి.
