BIKKI NEWS (DEC. 29) : TELANGANA MUNICIPAL ELECTIONS 2026 VOTERS LIST SCHEDULE. తెలంగాణ రాష్ట్ర ఎన్నికల సంఘం (TSEC) మున్సిపాలిటీలు, మున్సిపల్ కార్పొరేషన్లకు సంబంధించిన పోలింగ్ స్టేషన్ వారీ ఓటరు జాబితాల తయారీ, ప్రచురణకు సంబంధించిన షెడ్యూల్ను అధికారికంగా విడుదల చేసింది. ఈ ప్రక్రియ డిసెంబర్ 30, 2025 నుంచి జనవరి 10, 2026 వరకు కొనసాగనుంది.
TELANGANA MUNICIPAL ELECTIONS 2026 VOTERS LIST SCHEDULE
రాష్ట్రవ్యాప్తంగా ఉన్న 117 మున్సిపాలిటీలు, 6 మున్సిపల్ కార్పొరేషన్లకు ఈ షెడ్యూల్ వర్తించనుంది. భారత రాజ్యాంగంలోని ఆర్టికల్స్ 243-K, 243-ZA మరియు తెలంగాణ మున్సిపాలిటీస్ చట్టం–2019 ప్రకారం ఈ ప్రక్రియ చేపట్టినట్లు రాష్ట్ర ఎన్నికల కమిషనర్ తెలిపారు.
ఓటరు జాబితాల తయారీ – ముఖ్యమైన తేదీలు:
30 డిసెంబర్ 2025:
ఈసీఐ పోలింగ్ స్టేషన్ డేటాను మున్సిపాలిటీ / మున్సిపల్ కార్పొరేషన్ వారీగా పునఃవ్యవస్థీకరణ.
31 డిసెంబర్ 2025:
పోలింగ్ స్టేషన్ డేటాను వార్డు వారీగా మున్సిపాలిటీ / మున్సిపల్ కార్పొరేషన్లుగా పునర్వ్యవస్థీకరణ.
అలాగే మున్సిపాలిటీ / కార్పొరేషన్ డేటాను వార్డు–పోలింగ్ స్టేషన్ వారీగా ఓటరు జాబితాలుగా రూపొందించడం.
01 జనవరి 2026:
డ్రాఫ్ట్ ఓటరు జాబితాలను నోటీస్ బోర్డులపై ప్రచురించి, పేర్లు, చిరునామాలపై అభ్యంతరాలు, సవరణలకు అవకాశం కల్పించడం.
05 జనవరి 2026:
మున్సిపాలిటీలు, మున్సిపల్ కార్పొరేషన్ల స్థాయిలో రాజకీయ పార్టీల ప్రతినిధులతో సమావేశాలు.
06 జనవరి 2026:
జిల్లా స్థాయిలో జిల్లా ఎన్నికల అధికారుల ఆధ్వర్యంలో రాజకీయ పార్టీలతో సమావేశాలు.
10 జనవరి 2026:
మున్సిపాలిటీలు, మున్సిపల్ కార్పొరేషన్లకు సంబంధించిన పోలింగ్ స్టేషన్ వారీ తుది ఓటరు జాబితాల ప్రచురణ.
