BIKKI NEWS (NOV. 14) : Lacchi reddy request for Telangana Inter Employees తెలంగాణలో ఇంటర్మీడియట్ బోర్డు, ఇంటర్ విద్యాశాఖను పాఠశాల విద్యాశాఖలో విలీనం చేసే ప్రతిపాదన నేపథ్యంలో ఉద్యోగుల్లో నెలకొన్న ఆందోళనలపై ఉద్యోగుల జేఏసీ స్పందించింది. బోర్డు, కమిషనరేట్ పరిధిలో పనిచేస్తున్న బోధన, బోధనేతర ఉద్యోగుల ప్రయోజనాలకు పూర్తి భరోసా కల్పించాలని జేఏసీ చైర్మన్ వి.లచ్చిరెడ్డి కోరారు.
Lacchi reddy request for Telangana Inter Employees
తెలంగాణ విద్యాశాఖలో ప్రతిపాదిత మార్పుల నేపథ్యంలో ఇంటర్మీడియట్ బోర్డులో పనిచేస్తున్న ఉద్యోగుల భవిష్యత్తుపై స్పష్టత ఇవ్వాలని తెలంగాణ ఉద్యోగుల జాయింట్ యాక్షన్ కమిటీ (JAC) ప్రభుత్వాన్ని కోరింది.
ఇంటర్ బోర్డు, ఇంటర్ విద్యాశాఖను పాఠశాల విద్యాశాఖలో విలీనం చేసే ప్రతిపాదన నేపథ్యంలో అక్కడ విధులు నిర్వహిస్తున్న బోధన, బోధనేతర ఉద్యోగుల ప్రయోజనాలకు ఎలాంటి నష్టం కలగకుండా చూడాలని ఉద్యోగుల జేఏసీ చైర్మన్ వి.లచ్చిరెడ్డి విజ్ఞప్తి చేశారు.
ఈ మేరకు శనివారం ఇంటర్ బోర్డు కార్యదర్శి అభిలాష అభినవ్‌ను జేఏసీ నాయకులు కలిసి వినతిపత్రం సమర్పించారు.
Telangana Inter employees – ఉద్యోగుల భవిష్యత్తుపై స్పష్టత ఇవ్వాలని వినతి
ఇంటర్మీడియట్ విద్యాశాఖలో పరిపాలనా మార్పులు చేపట్టే క్రమంలో ప్రస్తుతం పనిచేస్తున్న ఉద్యోగుల సర్వీస్ ప్రయోజనాలు, ఉద్యోగ భద్రతకు ప్రాధాన్యత ఇవ్వాలని జేఏసీ నాయకులు కోరారు.
విద్యాశాఖల విలీనం వంటి ప్రతిపాదనల అమలు సమయంలో ఉద్యోగుల ప్రయోజనాలు దెబ్బతినకుండా తగిన చర్యలు తీసుకోవాలని విజ్ఞప్తి చేశారు.
ఈ కార్యక్రమంలో జేఏసీ నాయకులు బాజాల రాంరెడ్డి, వి.భిక్షం, డీటీఎఫ్ అధ్యక్షుడు కృష్ణకుమార్, ఇంటర్ బోర్డు ఉద్యోగుల సంఘం అధ్యక్షుడు జగదీశ్వర్ రెడ్డి తదితరులు పాల్గొన్నారు.
2023 జేఎల్స్ ప్రొబెషన్ డిక్లెరేషన్ చేయాలని వినతి
అలాగే 2023 బ్యాచ్ కి చెందిన 3 వేలకు పైగా జూనియర్ కి లెక్చరర్ ప్రొబేషన్ కాలాన్ని డిక్లేర్ చేయాలని ఇంటర్మీడియట్ డైరెక్టర్ అభిలాష అభినవ్ కు జేఏసీ చైర్మన్ లచ్చిరెడ్డి మరియు TGLA రాష్ట్ర అధ్యక్షుడు యార కుమార్ విజ్ఞప్తి చేయడం జరిగింది. దీనిపైన డైరెక్టర్ సానుకూలంగా స్పందించినట్లు కుమార్ తెలిపారు
అదనపు కలెక్టర్ పోస్టుల భర్తీకి విజ్ఞప్తి
ఇదే సందర్భంగా రాష్ట్రంలో ఖాళీగా ఉన్న అదనపు కలెక్టర్ పోస్టులను డిప్యూటీ కలెక్టర్లతో భర్తీ చేయాలని వి.లచ్చిరెడ్డి కోరారు.
ఈ విషయంపై రెవెన్యూ శాఖ కార్యదర్శి లోకేష్ కుమార్‌ను కలిసి విజ్ఞప్తి చేశారు.
ఇంటర్ బోర్డు ఉద్యోగుల్లో ఆసక్తి
తెలంగాణలో విద్యాశాఖ పునర్వ్యవస్థీకరణకు సంబంధించిన ప్రతిపాదనలు తెరపైకి వస్తున్న నేపథ్యంలో ఇంటర్ బోర్డులో పనిచేస్తున్న ఉద్యోగుల ప్రయోజనాలు, సర్వీస్ నిబంధనలు, ఉద్యోగ భద్రత వంటి అంశాలు ప్రాధాన్యత సంతరించుకున్నాయి.
అయితే విలీన ప్రతిపాదనపై తుది నిర్ణయం, ఉద్యోగుల సర్వీస్ నిబంధనల్లో మార్పులపై ప్రభుత్వం నుంచి అధికారిక స్పష్టత రావాల్సి ఉంది.
