- ఇంటర్మీడియట్ బోర్డు విలీనంపై ఉద్యోగులకు అభయం ఇవ్వాలి
- పీఆర్సీని 2023 నుంచే అమలు చేయాలి
- తెలంగాణ ఉద్యోగుల జేఏసీ ఛైర్మన్ వి.లచ్చిరెడ్డి, సెక్రటరీ జనరల్ వొడ్నాల రాజశేఖర్
BIKKI NEWS (NOV. 16) :JAC chairman Lacchi Reddy Demands for OPS. రాష్ట్రంలో సీపీఎస్ విధానాన్ని రద్దు చేసి, పాత పెన్షన్ విధానం (ఓపీఎస్)ను పునరుద్ధరించేందుకు తక్షణమే కమిటీని ఏర్పాటు చేసి అధ్యయనం చేయాలని తెలంగాణ ఉద్యోగుల జేఏసీ ఛైర్మన్ వి.లచ్చిరెడ్డి, సెక్రటరీ జనరల్ వొడ్నాల రాజశేఖర్ డిమాండ్ చేశారు. ఇంటర్మీడియట్ బోర్డును పాఠశాల విద్యాశాఖలో విలీనం చేసే ప్రతిపాదన నేపథ్యంలో బోర్డులో పనిచేస్తున్న బోధన, బోధనేతర ఉద్యోగుల ప్రయోజనాలకు భరోసా కల్పించాలని కోరారు. రెండవ వేతన సవరణ సంఘం (2వ పీఆర్సీ) సిఫార్సులను 2023, జూన్ 1 నుండి అమలు చేయాలన్నారు.
JAC chairman Lacchi Reddy Demands for OPS
హైదరాబాద్లోని రెవెన్యూ భవన్లో సోమవారం తెలంగాణ ఉద్యోగుల జేఏసీ అత్యవసర సమావేశం జరిగింది. ఈ సమావేశంలో రాష్ట్ర ప్రభుత్వ ఉద్యోగులు, ఉపాధ్యాయులు, పెన్షనర్లు మరియు ఔట్సోర్సింగ్ ఉద్యోగులు ఎదుర్కొంటున్న వివిధ సమస్యలపై సుదీర్ఘంగా చర్చించారు.
గతంలో సీపీఎస్ నుంచి ఓపీఎస్కు మార్పు చేసే అంశంపై ఉద్యోగ సంఘాల నాయకులతో ప్రభుత్వం చర్చలు జరిపిందని ఈ సందర్భంగా జేఏసీ ఛైర్మన్ వి.లచ్చిరెడ్డి, సెక్రటరీ జనరల్ వొడ్నాల రాజశేఖర్ తెలిపారు. ఇదే అంశంపై సమగ్ర అధ్యయనం చేసి, సాధ్యాసాధ్యాలను పరిశీలించి నిర్ణయం తీసుకునేందుకు ప్రత్యేక కమిటీని ఏర్పాటు చేస్తామని ప్రభుత్వ ప్రధాన కార్యదర్శి హామీ ఇచ్చారని గుర్తుచేశారు. నెలలు గడుస్తున్నా దీనిపై ఎలాంటి నిర్ణయం జరుగలేదన్నారు. సీపీఎస్ విధానం ఉద్యోగుల భవిష్యత్తుకు భరోసా కల్పించడం లేదని, పాత పెన్షన్ విధానాన్ని తిరిగి అమలు చేయాలన్నది ఉద్యోగుల ప్రధాన డిమాండ్ అని పేర్కొన్నారు. ఈ అంశంపై ప్రభుత్వం సానుకూలంగా స్పందించి, కార్యాచరణ ప్రారంభించాలని కోరారు.
ఉద్యోగులకు సంబంధించిన ఎన్నో సమస్యలు పరిష్కారానికి నోచుకోకుండా నేటికి పెండింగ్లోనే ఉన్నాయన్నారు. వీటిలో న్యాయమైన డిమాండ్లు, ఉద్యోగుల సంక్షేమం, అభివృద్ధికి సంబంధించనవే ఉన్నయని గుర్తు చేశారు. వీటిని తక్షణమే పరిష్కరించేలా ప్రభుత్వం చర్యలు తీసుకోవాలని కోరారు. లేని పక్షంలో జేఏసీ పక్ష ఉద్యోగ సంఘాలతో చర్చించి ప్రభుత్వ పెద్దలను ఒప్పించే దిశగా భవిష్యత్తు కార్యాచరణ ఉంటుందన్నారు.
కార్యక్రమంలో ఎస్. రాములు, కె. హన్మంతరావు, బి. కృపాకర్రెడ్డి, బాణాల రామిరెడ్డి, డా. జి. నిర్మల, ఎల్. దర్శన్ గౌడ్, షేక్ హబీబ్ మియా, గరికె ఉపేంద్రరావు, ఎస్.వి. సుబ్బయ్య, కె. మహిపాల్రెడ్డి, చి. రవి, ఎస్. నర్సింహులు, రొక్కం దేవిక, బి. సుదర్శన్ గౌడ్, ఎం. చంద్రశేఖర్ గౌడ్, కె. సాయిరెడ్డి (ఐఎన్టీయూసీ), పి. లక్ష్మయ్య, తొంట సత్యనారాయణ, ఆవుల సైదులు, శిరందాసు రాందాస్, డా. రామకృష్ణ, కె. సందీప్కుమార్, మహ్మద్ మొయినుద్దీన్, ముకుంద్రెడ్డి మామిడి, ఎ. శ్రీకాంత్ గౌడ్, హేమలత, టి. జయప్రకాశ్, సుగంధిని, ఎస్. వివేక్, కుమార్ యారా, ఎం.డి. అజీజ్, రమేష్ పాక, ఫూల్ సింగ్ చౌహాన్, తదితరులు పాల్గొన్నారు.
JAC chairman Lacchi Reddy Demands for OPS
సమగ్ర చర్చల అనంతరం క్రింది డిమాండ్లను ప్రభుత్వ దృష్టికి తీసుకెళ్లాలని తీర్మానించడం జరిగింది.
1. రెండవ వేతన సవరణ సంఘం (2వ PRC) సిఫార్సులను 01.07.2023 నుండి అమలు చేయాలి.
2. 01.09.2004 కంటే ముందు నియమితులైన ఉద్యోగులకు పాత పెన్షన్ విధానం (OPS) అమలు చేయాలి.
3. G.O.Ms.No.81, Revenue (Ser-II) Department, తేదీ 24.07.2023 లోని పేరా-3 ప్రకారం జారీ చేసిన ఉత్తర్వులను త్వరితగతిన అమలు చేయడానికి అవసరమైన తదుపరి ఉత్తర్వులు జారీ చేయాలి.
4. జూనియర్ పంచాయతీ కార్యదర్శులు (JPS) అందించిన నాలుగు సంవత్సరాల నిరంతర సేవను పరిగణనలోకి తీసుకొని, నోషనల్ ఇంక్రిమెంట్లు మరియు తదనంతర సర్వీసు ప్రయోజనాలను కల్పించాలి. అయితే గత బకాయిలు చెల్లించాల్సిన అవసరం లేకుండా చూడాలి.
5. తెలంగాణలో ప్రభుత్వ అధికారులకు మంజూరైన అద్దె వాహనాలకు సంబంధించిన అద్దె ఛార్జీలను క్రమం తప్పకుండా విడుదల చేయడంతో పాటు, కొనసాగింపు ఉత్తర్వులను కూడా ఏకకాలంలో జారీ చేయాలి.
6. G.O.Ms.No.317 మరియు G.O.Ms.No.190 ప్రకారం అర్హులైన ఉద్యోగుల అన్ని కేసులను పరిగణనలోకి తీసుకోవాలి.
7. ఔట్సోర్సింగ్ ఉద్యోగుల కోసం ప్రత్యేక కార్పొరేషన్ ఏర్పాటు చేసి, వారికి ఉద్యోగ భద్రత కల్పించాలి.
8. ఉద్యోగులు మరియు పెన్షనర్లకు సంబంధించిన పెండింగ్ బిల్లులన్నింటినీ మూడు నెలల్లో ప్రాధాన్యతా క్రమంలో చెల్లించాలి.
9. తహసీల్దార్లు మరియు ఇతర శాఖల అధికారులకు సంబంధించిన గత ఆరు నెలలుగా ఈ-కుబేర్లో పెండింగ్లో ఉన్న వాహన అద్దె బిల్లులను వెంటనే విడుదల చేయాలి.
JAC chairman Lacchi Reddy Demands for OPS
10. పెరుగుతున్న వాహన నిర్వహణ మరియు ఇంధన ధరలను దృష్టిలో ఉంచుకొని, అద్దె వాహనాల నెలవారీ ఛార్జీలను రూ.33,000/- నుండి రూ.75,000/-కు పెంచాలి.
11. ఉద్యోగుల గ్రాట్యుటీ గరిష్ట పరిమితిని కనీసం రూ.20 లక్షలకు పెంచాలి.
12. పట్టణ ప్రాంతాల్లో ఇంటి అద్దె భత్యం (HRA) 35 శాతానికి, జిల్లా కేంద్రాల్లో 30 శాతానికి పెంచడంతో పాటు డివిజన్ మరియు మండల స్థాయిలకు తగిన శాతాన్ని నిర్ణయించాలి.
13. రెవెన్యూ శాఖలో పనిచేస్తున్న 632 మంది కంప్యూటర్ ఆపరేటర్లు, CCLA కార్యాలయం, హైదరాబాద్లో పనిచేస్తున్న 6 మంది కంప్యూటర్ ఆపరేటర్లు గత 20 సంవత్సరాలుగా సేవలందిస్తున్నందున, అలాగే ఫీల్డ్ టెక్నికల్ స్టాఫ్ (FTS) సేవలు అత్యవసరమైనందున వారి సేవలను కొనసాగించాలి. ప్రత్యామ్నాయంగా, అర్హతలను బట్టి ప్రస్తుతం మంజూరైన పోస్టుల్లో గ్రామ పాలన అధికారులుగా (GPOs) పనిచేసే అవకాశం కల్పించాలి.
14. తెలంగాణ రాష్ట్రవ్యాప్తంగా ఉన్న అన్ని ప్రభుత్వ కార్యాలయాలకు అవసరమైన మౌలిక సదుపాయాలు కల్పించడంతో పాటు, వార్షిక నిర్వహణ బడ్జెట్ను కేటాయించాలి.
15. జాయింట్ స్టాఫ్ కౌన్సిల్లోని అన్ని సభ్య సంఘాలకు, వారి సభ్యత్వం శాశ్వతమైనదా లేదా రొటేషన్ ప్రాతిపదికన ఉన్నదా అనే తేడా లేకుండా గుర్తింపు కల్పించాలి.
16. విద్యాశాఖలో ఉపాధ్యాయులకు ఉమ్మడి సర్వీస్ రూల్స్ అమలు చేసి, పదోన్నతుల అవకాశాలు కల్పించాలి.
17. ప్రతి తరగతికి ఒక ఉపాధ్యాయుడు ఉండే విధానాన్ని అమలు చేసి, అందుకు అనుగుణంగా G.O.Ms.No.25ను సవరించాలి.
18. ప్రతి రెవెన్యూ గ్రామంలో గ్రామ పాలన అధికారుల (GPOs) కోసం కార్యాలయ భవనాలను నిర్మించాలి.
19. డిప్యూటీ ఇన్స్పెక్టర్ ఆఫ్ సర్వే అండ్ ల్యాండ్ రికార్డ్స్ (Dy. IOS) పోస్టుకు గెజిటెడ్ హోదా కల్పించాలి.
20. సెకండరీ గ్రేడ్ టీచర్లకు (SGTs) ఉపాధ్యాయ ఎమ్మెల్సీ ఎన్నికల్లో ఓటు హక్కు కల్పించాలి.
21. దివ్యాంగ ఉద్యోగులకు పదోన్నతుల్లో ప్రస్తుతం ఉన్న 3 శాతం రిజర్వేషన్ను 4 శాతానికి పెంచి, RPWD Act, 2016 ప్రకారం గత తేదీ నుండి వర్తింపజేయాలి.
22. కారుణ్య నియామకం కింద టైపిస్టులుగా నియమితులైన వారికి తెలుగు టైప్ రైటింగ్ హయ్యర్ గ్రేడ్ పరీక్ష నుండి మినహాయింపు లేదా సడలింపు కల్పించి, నియామక తేదీ నుండి వారి సేవలను క్రమబద్ధీకరించాలి.
23. మోడల్ స్కూల్స్ మరియు రెసిడెన్షియల్ పాఠశాలల్లో పనిచేస్తున్న ఉపాధ్యాయులకు 010 హెడ్ ఆఫ్ అకౌంట్ కింద వేతనాలు చెల్లించాలి.
24. వైద్య ఆరోగ్య శాఖలో పనిచేస్తున్న ఉద్యోగులు, ల్యాబ్ అటెండెంట్లు మరియు ల్యాబ్ టెక్నీషియన్లకు ఇన్-సర్వీస్ శిక్షణ సౌకర్యాలు కల్పించాలి.
25. 2023 బ్యాచ్కు చెందిన ల్యాబ్ టెక్నీషియన్ గ్రేడ్-II మరియు ఫార్మసీ ఆఫీసర్ గ్రేడ్-II ఉద్యోగుల ప్రొబేషన్ ప్రకటించి, వారి సేవలను క్రమబద్ధీకరించాలి.
JAC chairman Lacchi Reddy Demands for OPS
26. అర్హులైన ల్యాబ్ టెక్నీషియన్ గ్రేడ్-II ఉద్యోగులకు గ్రేడ్-I పోస్టులకు, అలాగే బయోకెమిస్ట్ మరియు డైటీషియన్ పోస్టులకు పదోన్నతులు కల్పించాలి.
27. ప్రభుత్వ ఉద్యోగులు తమ అధికారిక విధులను నిర్వర్తించే సమయంలో, చట్టపరంగా నిర్దేశించిన విధానాన్ని మరియు అవసరమైన చోట ముందస్తు అనుమతిని పాటించకుండా వారిపై క్రిమినల్ కేసులు నమోదు చేయరాదు. ఇందుకు సంబంధించి CrPC సెక్షన్ 197కు ప్రస్తుతం సమానమైన BNSS సెక్షన్ 218 నిబంధనలను అమలు చేయాలి.
28. దివ్యాంగ ఉద్యోగులకు బదిలీల్లో ప్రాధాన్యత కల్పించేందుకు, ప్రస్తుతం ఉన్న 70 శాతం వైకల్య పరిమితిని 40 శాతానికి తగ్గించాలి.
29. దివ్యాంగ ఉద్యోగులకు వేసవి సెలవులు మరియు ఇతర సెలవుల కాలంలో కూడా కన్వేయన్స్ అలవెన్స్ మంజూరు చేయాలి.
30. గురుకుల ఉపాధ్యాయులకు 010 హెడ్ ఆఫ్ అకౌంట్ కింద వేతనాలు, TGGLI మరియు GIS మొత్తాలను చెల్లించడంతో పాటు హెల్త్ కార్డులు జారీ చేయాలి.
31. CPS ఉద్యోగులు మరణించిన సందర్భాల్లో, వారి కుటుంబానికి ఫ్యామిలీ పెన్షన్ మంజూరు చేసే సమయంలో CPS ఫండ్కు మినహాయించిన మొత్తాన్ని మరణించిన ఉద్యోగి కుటుంబ సభ్యులకు తిరిగి చెల్లించాలి.
32. సేవలు క్రమబద్ధీకరించబడిన జూనియర్ లెక్చరర్లు మరియు ఇంటర్మీడియట్ విద్యాశాఖలో పనిచేస్తున్న కాంట్రాక్ట్ లెక్చరర్ల ప్రొబేషన్ను ప్రకటించాలి.
33. ప్రభుత్వ ఉద్యోగులకు నివాస అవసరాల కోసం ఫ్యూచర్ సిటీలో మార్కెట్ విలువ చెల్లింపు ప్రాతిపదికన ప్రభుత్వ భూమిని కేటాయించాలి.
34. పెండింగ్లో ఉన్న కారుణ్య నియామకాలు మరియు మెడికల్ ఇన్వాలిడేషన్ నియామకాల కేసులను త్వరితగతిన పరిష్కరించేందుకు రాష్ట్ర స్థాయిలో మెడికల్ ఇన్వాలిడేషన్ కమిటీని ఏర్పాటు చేయాలి.
35. రెవెన్యూ శాఖ కూడా ప్రభుత్వానికి ఆదాయాన్ని సమకూర్చే ముఖ్యమైన శాఖ కావున, ఆ శాఖ ఉద్యోగుల బదిలీలపై ఉన్న నిషేధాన్ని ఎత్తివేయాలి. దీనికి సంబంధించిన ప్రతిపాదన ఇప్పటికే ప్రభుత్వ పరిశీలనలో ఉంది.
36. అర్హులైన ఔట్సోర్సింగ్ పంచాయతీ కార్యదర్శులను (OPS) వారి ఔట్సోర్సింగ్ సేవా కాలాన్ని పరిగణనలోకి తీసుకొని పంచాయతీ కార్యదర్శి గ్రేడ్-IVగా క్రమబద్ధీకరించాలి.
37. అర్హులైన గ్రామ పాలన అధికారులకు (GPOs) సర్వే శిక్షణ కల్పించేందుకు జిల్లా కలెక్టర్లు మరియు సంబంధిత అధికారులకు అవసరమైన ఆదేశాలు జారీ చేయాలి.
38. నూతనంగా మంజూరైన వైద్య కళాశాలల్లో ల్యాబ్ టెక్నీషియన్ గ్రేడ్-I, జూనియర్ అనలిస్టులు, బయోకెమిస్టులు మరియు చీఫ్ బయోకెమిస్టుల పోస్టులను మంజూరు చేయాలి.
39. గ్రామ పాలన అధికారులు (GPOs) డిగ్రీ అర్హత సాధించిన తేదీ నుండి, అర్హతల ఆధారంగా జూనియర్ అసిస్టెంట్ కేడర్కు పదోన్నతి కల్పించే ప్రయోజనాన్ని వర్తింపజేయాలి.
40. ప్రస్తుతం పెద్ద సంఖ్యలో GPO ఖాళీలు భర్తీ కాకుండా ఉన్నందున, రెవెన్యూ శాఖలో పనిచేయడానికి ఆసక్తి చూపే మాజీ VROలు మరియు తిరిగి నియమించబడిన మాజీ VRAలకు ఒకేసారి ప్రత్యేక అవకాశం కల్పించాలి.
41. గ్రామ పాలన అధికారుల (GPOs) పోస్టింగులను వారి సొంత రెవెన్యూ డివిజన్ / జిల్లా యూనిట్ పరిధిలోనే కల్పించేలా అవసరమైన ఆదేశాలు జారీ చేయాలి. సంబంధిత ప్రభుత్వ ఉత్తర్వులు మరియు సర్వీస్ నిబంధనలకు అనుగుణంగా సమాన న్యాయం జరిగేలా చూడాలి.

