హైదరాబాద్, అక్టోబర్ 8 : Exemption from Attendance for inter exams 2027. తెలంగాణ ఇంటర్మీడియట్ పబ్లిక్ పరీక్షలు మార్చి 2027 (IPE March 2027) రాయనున్న ప్రైవేట్ అభ్యర్థులకు తెలంగాణ ఇంటర్ బోర్డు కీలక ప్రకటన చేసింది. కాలేజీకి హాజరు కాకుండా ఇంటర్మీడియట్ పరీక్షలకు హాజరయ్యే అభ్యర్థులకు Exemption from Attendance (హాజరు మినహాయింపు) మంజూరు చేసేందుకు ఆన్లైన్ దరఖాస్తు తేదీలను ప్రకటించింది. ఈ మేరకు TGBIE కార్యదర్శి అబిలాష అభిన, IAS పేరుతో 2026 అక్టోబర్ 8న ఉత్తర్వులు జారీ అయ్యాయి.
Exemption from Attendance for inter exams 2027
తెలంగాణ ఇంటర్ బోర్డు ప్రకారం కింది కేటగిరీలకు చెందిన ప్రైవేట్ అభ్యర్థులు హాజరు మినహాయింపునకు దరఖాస్తు చేసుకోవచ్చు.
- Arts/Humanities గ్రూప్‌తో ప్రైవేట్‌గా పరీక్షలు రాయాలనుకునే అభ్యర్థులు.
- Science నుంచి Arts/Humanities గ్రూప్‌కు మారాలనుకునే అభ్యర్థులు.
- ఇప్పటికే ఇంటర్ పాసైన అభ్యర్థులు Second Languageను Additional Subjectగా రాయాలనుకుంటే దరఖాస్తు చేసుకోవచ్చు.
- B.P.C. గ్రూప్‌లో ఇంటర్ పాసైన అభ్యర్థులు Mathematicsను Additional Subjectగా రాయాలనుకున్నా అవకాశం ఉంది.
హాజరు మినహాయింపు ఫీజు ఎంత?
హాజరు మినహాయింపునకు నిర్ణయించిన సాధారణ ఫీజు రూ.500. ఈ ఫీజు ఒకసారి చెల్లించిన తర్వాత అభ్యర్థి IPE మార్చి 2027 పరీక్షలకు అనర్హుడిగా తేలినా తిరిగి చెల్లించబడదు లేదా తదుపరి ఫీజులో సర్దుబాటు చేయబడదు.
ముఖ్యమైన తేదీలు
| వివరాలు | తేదీ |
|---|---|
| పత్రికలో నోటిఫికేషన్ ప్రచురణ | 08-10-2026 |
| రూ.500 ఫీజుతో దరఖాస్తుకు చివరి తేదీ | 31-10-2026 |
| రూ.200 ఆలస్య రుసుముతో | 15-11-2026 |
| రూ.500 ఆలస్య రుసుముతో | 30-11-2026 |
అంటే తెలంగాణ ఇంటర్ హాజరు మినహాయింపు దరఖాస్తుకు చివరి అవకాశం 30 నవంబర్ 2026 వరకు ఉంది. అయితే సాధారణ ఫీజు రూ.500తో దరఖాస్తు చేసుకోవాలంటే అక్టోబర్ 31లోపు ప్రక్రియ పూర్తి చేయాలి.
ఆన్‌లైన్‌లోనే దరఖాస్తు చేయాలి
హాజరు మినహాయింపు కోసం అభ్యర్థులు TGBIE అధికారిక వెబ్‌సైట్ tgbie.cgg.gov.in ద్వారా ఆన్‌లైన్‌లో దరఖాస్తు చేసుకోవాలి. దరఖాస్తుతో పాటు అవసరమైన ధ్రువపత్రాల స్కాన్ కాపీలను అప్‌లోడ్ చేయాల్సి ఉంటుంది. ముఖ్యంగా SSC (10వ తరగతి) పాస్ సర్టిఫికెట్, Transfer Certificate (TC), అవసరమైన చోట Eligibility/Migration తదితర ధ్రువపత్రాలను సమర్పించాలి.
పోస్టు ద్వారా లేదా వ్యక్తిగతంగా సమర్పించే దరఖాస్తులను పరిగణనలోకి తీసుకోబోమని బోర్డు స్పష్టం చేసింది. ఫీజును కూడా ఆన్‌లైన్‌లోనే చెల్లించాలి.
ఒక సంవత్సరం గ్యాప్ ఉన్నవారికి అవకాశం
అర్హత నిబంధనల్లో భాగంగా SSC లేదా సమానమైన అర్హత పరీక్షలో ఉత్తీర్ణత సాధించిన తర్వాత ఒక సంవత్సరం గ్యాప్ ఉన్న అభ్యర్థులు IPE మార్చి 2027లో మొదటి సంవత్సరం పరీక్షకు దరఖాస్తు చేసుకోవచ్చు. రెండు సంవత్సరాలు లేదా అంతకంటే ఎక్కువ గ్యాప్ ఉన్న అభ్యర్థులు అదే సమయంలో ఇంటర్ మొదటి సంవత్సరం, రెండో సంవత్సరం పరీక్షలకు హాజరయ్యే అవకాశం ఉంటుంది.
అలాగే ఇతర బోర్డు లేదా యూనివర్సిటీ నుంచి SSCకు సమానమైన పరీక్షలో ఉత్తీర్ణులైన అభ్యర్థులు తెలంగాణ ఇంటర్ బోర్డు నుంచి Eligibility Certificate పొందాల్సి ఉంటుంది. దాని స్కాన్ కాపీని ఆన్లైన్ దరఖాస్తుతో జత చేయాలి.
Also Read…
• తాజా విద్యా సమాచారం
• తాజా జాబ్ నోటిఫికేషన్స్
• ఉచిత ఆన్లైన్ టెస్ట్స్
• కరెంట్ అఫైర్స్
• జీకే బిట్స్
• ఎంప్లాయిస్ న్యూస్
2026-27 విద్యా సంవత్సరం నుంచి కొత్త నిబంధనలు
తెలంగాణ ఇంటర్ బోర్డు ఇప్పటికే ప్రాక్టికల్ పరీక్షల్లో మార్పులు చేసింది. English subjectలో Practical Testను First Year అభ్యర్థులకు IPE మార్చి 2024 నుంచి, Second Year అభ్యర్థులకు IPE మార్చి 2025 నుంచి అమలు చేస్తోంది.
అదేవిధంగా First Yearలో అన్ని సబ్జెక్టులకు Internal Assessment Testsను 2026-27 విద్యా సంవత్సరం నుంచి అమలు చేస్తున్నట్లు ఉత్తర్వుల్లో పేర్కొంది.
కొత్త A.C.E. గ్రూప్‌పై కీలక నోట్
2026-27 విద్యా సంవత్సరం నుంచి కొత్తగా ప్రవేశపెట్టిన A.C.E. గ్రూప్, అలాగే M.E.C. గ్రూప్ కోసం ప్రత్యేక Mathematics (IA & IB) పేపర్ మొదటి సంవత్సరం విద్యార్థులకు మాత్రమే వర్తిస్తాయని బోర్డు స్పష్టం చేసింది.
హాజరు మినహాయింపు పొందిన అభ్యర్థులు మొదటి సంవత్సరం IPE మార్చి 2027లో పరీక్ష రాయాలనుకుంటే రెగ్యులర్ విద్యార్థులకు నిర్దేశించిన సిలబస్ ప్రకారమే పరీక్షలు రాయాల్సి ఉంటుంది. హాజరు మినహాయింపు పొందిన అభ్యర్థికి నేరుగా రెండో సంవత్సరం పరీక్షకు హాజరయ్యే అవకాశం ఉండదని బోర్డు పేర్కొంది.
విద్యార్థులు గమనించాల్సిన విషయాలు
- సాధారణ ఫీజు: రూ.500
- సాధారణ ఫీజుతో చివరి తేదీ: 31 అక్టోబర్ 2026
- రూ.200 ఆలస్య రుసుముతో: 15 నవంబర్ 2026
- రూ.500 ఆలస్య రుసుముతో: 30 నవంబర్ 2026
- దరఖాస్తు విధానం: ఆన్లైన్
- వెబ్‌సైట్: tgbie.cgg.gov.in
- పోస్టు/వ్యక్తిగత దరఖాస్తులు: పరిగణనలోకి తీసుకోరు
- అవసరమైన సర్టిఫికెట్ల స్కాన్ కాపీలు: ఆన్‌లైన్‌లో అప్‌లోడ్ చేయాలి
