BIKKI NEWS : OU PG One Time Chance 2027 exams . ఉస్మానియా యూనివర్సిటీ పరిధిలోని పీజీ విద్యార్థులకు శుభవార్త. ఏళ్ల తరబడి పెండింగ్‌లో ఉన్న బ్యాక్‌లాగ్ సబ్జెక్టులను క్లియర్ చేసుకునేందుకు యూనివర్సిటీ అధికారులు మరో అవకాశం కల్పించారు. ఈ మేరకు అర్హులైన విద్యార్థులకు వన్ టైమ్ ఛాన్స్ (One Time Chance) నోటిఫికేషన్ విడుదల చేశారు.
OU PG One Time Chance 2027 exams
హైదరాబాద్‌లోని ఉస్మానియా యూనివర్సిటీ పరిధిలో ఉన్న పీజీ పీజీ సెంటర్లు, అనుబంధ కళాశాలలకు చెందిన విద్యార్థులు ఈ అవకాశాన్ని వినియోగించుకోవచ్చు. 1991-92 విద్యా సంవత్సరం నుంచి 2020-21 విద్యా సంవత్సరం వరకు వివిధ బ్యాచ్‌లకు చెందిన అర్హులైన విద్యార్థులు తమ పెండింగ్ బ్యాక్‌లాగ్ పరీక్షలు రాసేందుకు అవకాశం కల్పించారు.
జనవరి, ఫిబ్రవరి 2027లో పరీక్షలు
వన్ టైమ్ ఛాన్స్ కింద నిర్వహించే పరీక్షలు 2027 జనవరి, ఫిబ్రవరి నెలల్లో జరగనున్నాయి. దీంతో గతంలో వివిధ కారణాలతో డిగ్రీ పూర్తి చేయలేకపోయిన పీజీ విద్యార్థులకు తమ విద్యార్హతను పూర్తిచేసుకునే అవకాశం లభించనుంది.
దరఖాస్తుల గడువు.. ముఖ్యమైన తేదీలు
వన్ టైమ్ ఛాన్స్ పరీక్షలకు హాజరయ్యే విద్యార్థులు నిర్ణీత గడువులోగా దరఖాస్తు చేసుకోవాలి.
- ఆలస్య రుసుము లేకుండా దరఖాస్తుకు చివరి తేదీ: నవంబర్ 30
- రూ.500 ఆలస్య రుసుముతో దరఖాస్తుకు చివరి తేదీ: డిసెంబర్ 14
- ప్రతి పేపర్ పరీక్ష ఫీజు: రూ.500
- పరీక్షల నిర్వహణ: జనవరి/ఫిబ్రవరి 2027
అర్హులైన విద్యార్థులు ఈ అవకాశాన్ని వినియోగించుకోండి
చాలా సంవత్సరాలుగా బ్యాక్‌లాగ్ సబ్జెక్టులు మిగిలిపోయిన విద్యార్థులకు ఈ వన్ టైమ్ ఛాన్స్ ఎంతో ఉపయోగకరంగా మారనుంది. అర్హత కలిగిన విద్యార్థులు చివరి తేదీ వరకు వేచి ఉండకుండా నిర్ణీత గడువులోగా పరీక్ష దరఖాస్తులు సమర్పించి, పెండింగ్ సబ్జెక్టులను క్లియర్ చేసుకోవాలని సూచిస్తున్నారు.
