BIKKI NEWS (AUG. 12) : LIBRARY DAY AUGUST 12th. జాతీయ గ్రంథాలయ దినోత్సవాన్ని ప్రతి ఏడాది ఆగస్టు 12వ తేదీన భారతదేశ వ్యాప్తంగా నిర్వహిస్తారు.
LIBRARY DAY AUGUST 12th.
భారతదేశ గ్రంథాలయ పితామహుడు ఎస్.ఆర్. రంగనాథన్ జయంతి సందర్భంగా ఈ దినోత్సవం జరుపుకుంటారు.
లెక్కల ప్రొఫెసర్ అయిన డాక్టర్ ఎస్.ఆర్. రంగనాథన్ 1923లో మద్రాసు యూనివర్సిటీలో లైబ్రేరియన్గా చేరాడు. తనకు దొరికిన ఈ అవకాశాన్ని అనుకూలంగా మలుచుకొని గ్రంథాలయ వ్యవస్థకు సంబంధించిన ప్రపంచవ్యాప్త ధోరణులను పరిశీలించి, 1924లో క్లాసిఫికేషన్, 1933లో గ్రంథాలయ కేటలాగుల్ని తయారుచేయడానికి ఒక కొత్త కోడ్ను రూపొందించాడు. కోలన్ క్లాసిఫికేషన్ అని పిలిచే ఈ వర్గీకరణ పద్ధతిని దేశంలోని అనేక గ్రంథాలయాలు అనుసరిస్తున్నాయి.
భారతదేశంలో అకడమిక్ లైబ్రరీలతోపాటు, పబ్లిక్ లైబ్రరీలలో అభివృద్ధికి, గ్రంథాలయ వ్యవస్థ వికాసానికి విశేషంగా కృషి చేసిన ఎస్.ఆర్ రంగనాథన్ పుట్టినరోజైన ఆగస్టు 12న జాతీయ గ్రంథాలయ దినోత్సవంగా ప్రకటించి ఘనంగా నిర్వహిస్తున్నారు.
