BIKKI NEWS : 776 model school guest jobs notification. తెలంగాణలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు శుభవార్త. రాష్ట్రంలోని మోడల్ స్కూళ్లలో ఖాళీగా ఉన్న 776 మంది టీచర్లు, లైబ్రేరియన్ల పోస్టుల భర్తీకి రంగం సిద్ధమైంది. మోడల్ పాఠశాలల్లో ఆర్ట్, యోగా, కంప్యూటర్ టీచర్లతో పాటు ఇతర బోధనా సిబ్బంది నియామకాలకు ప్రభుత్వం ఆమోదం తెలిపింది.
776 model school guest jobs notification
రాష్ట్రవ్యాప్తంగా మొత్తం 194 మోడల్ స్కూళ్లు ఉన్నాయి. ఒక్కో పాఠశాలలో నాలుగు చొప్పున పోస్టులను భర్తీ చేయనున్నారు. ఈ లెక్కన మొత్తం 776 పోస్టుల భర్తీకి ప్రభుత్వం ఆమోదం తెలిపింది. ఆర్ట్, యోగా, కంప్యూటర్ టీచర్లతో పాటు లైబ్రేరియన్ పోస్టులు కూడా ఈ నియామకాల పరిధిలోకి వస్తాయి.
నవంబర్ నుంచి మార్చి వరకు నియామక ప్రక్రియ
ఈ నియామకాల కోసం నవంబర్ నుంచి మార్చి వరకు ఐదు నెలలపాటు సిబ్బందిని నియమించేందుకు కలెక్టర్లకు ఆదేశాలు జారీ చేయనున్నారు .. ఈ నిర్ణయంతో మోడల్ స్కూళ్లలో బోధన, ఇతర విద్యా కార్యకలాపాలకు అవసరమైన సిబ్బంది కొరతను తగ్గించే అవకాశం ఉంది.
776 పోస్టుల వివరాలు
- మొత్తం పోస్టులు: 776
- మోడల్ స్కూళ్ల సంఖ్య: 194
- పోస్టుల రకాలు: ఆర్ట్ టీచర్లు, యోగా టీచర్లు, కంప్యూటర్ టీచర్లు, లైబ్రేరియన్లు
- నియామకాల కాలవ్యవధి: నవంబర్ నుంచి మార్చి వరకు ఐదు నెలలు
అభ్యర్థులు ఏం చేయాలి?
ఈ పోస్టులకు సంబంధించిన విద్యార్హతలు, వయోపరిమితి, ఎంపిక విధానం, దరఖాస్తుల స్వీకరణ తేదీలు వంటి వివరాలు అధికారిక ప్రకటన వెలువడిన తర్వాత స్పష్టమవుతాయి. ఆసక్తి ఉన్న అభ్యర్థులు సంబంధిత మోడల్ స్కూల్ నుంచి సందర్శించి వివరాలు తెలుసుకోవాలి.
